Replay du jeudi 1 janvier 1970

Masai: Cunfuziu è Ponte Novu

Mis à jour le

Cronaca d’un ghjornu di disfatta.

image par défaut

Oghje hè battaglia di Ponte Novu è fate u ponte. L’affare ùn hè novu. Allora parleremu di Cunfuziu. In Francese Confucius.

Cunfuziu, ghjè u Chinese chì scrive e belle frasi nantu à Facebook. Hè natu in 551 prima di Cristu, in Zù. Quand’elli li dumandavanu: d’induve sì ? Rispundia “sò di Zù, è ne sò fieru”. Ma hè mortu à 85 anni in Lù.

A casata vera era Kong è u so nome Qiu. Kong Qiu. In chinese d’avà. In anticu Chinese, Kong Qiu. In fatti a ghjente u chjamava Zhongni. Ma nenzu u chjamavanu Drunghnrei in Chinese più anticu chè l’anticu. In chinese d’avà, dicerebbinu Drunghnrei. À partesi di 15 anni ci anu messu u rispettu è u parentatu l’hà cugnumatu Kongfuzi. Ma i più familiari dicianu Kungzì. In vechju Chinese, Kungzì. 

U so arcicaccaru Kong Fu Jia era un grande militare di carriera, sergente sceffu in Song. In vechju Chinese, Song. Ma s’hè fattu tumbà per un affare di poche cosi ghjuchendu à china in issa antica Cina. U so figliolu Kong Fang Shu, sottu officiale ind’è i scucorzeri à cavallu, hè scappatu in Lù, duv’ellu ci era una caserna di sullati militari di l’armata. U figliolu di u figliolu, Kong Shu Liang He, listessu, s’hè fattu militare in l’armata. Alò, i Kong eranu militari anchi pilosi. Tutta a sterpa, cacciatuci Kong Qiu, dettu Kongfuzi in chinese d’avà, chì ellu avia sceltu d’esse filosofu pacificu. Vala à dì, ghjera una tappetta pè a famiglia Kong.

Cunfuziu viaghjava  cum’un scemu. Quand’ellu si firmava, manghjava, pusava è pensava. Ghjè tandu ch’elle li venianu e so sentenze. Isse piccule frasi pensate è panzute, piene à crepà di filusufia.

Per un dettu, dicia Cunfuziu.

“Stà attenti: sì per casu nasci poveru, goffu è cattivu, in fine di vita serai ancu più poveru, ancu più goffu è ancu di più gattivu. Infine, un ghjornu versu a sera, t’avviderai chì l’attrachju s’avvicina, quandu l’omi chjuchi facenu l’ombre longhe”.

Ghjera a cronaca d’un ghjornu di disfatta.  

 

Masai : Cunfuziu è ponte Novu

Mots clés: