Émissions Toutes les émissions

Masai

Masai : E induvinelle

Podcasts :

A forza di a lege

Ecccu l’analise di a situazione oghje:

Ùn cunducia tantu in furia, ùn cunducia. Era pè e parti di Cugnoli-l’Appicciu. Custindi e strade sò strette.  Ma u gendarme m’hà arrestatu listessu, dicendumi ch’avia passatu a vitezza legale. È m’abbuchja una emenda per eccessu di velocità. Aghju pruvatu di ragiunallu, ùn avia tanta brama di pagà chì eo solli à u statu ne dò abbastanza. Tandu, u gendarme, un pocu ghjucosu, mi face: “state à sente, à mè mi piacenu e induvinelle. Sè vo sapete risponde esattamente à quella ch’eo vi dicu, vi cacciu l’emenda”. Và bè. Mi sò cuncentratu. “Sò prontu”. “Eccu a induvinella, dice u gendarme, site in una strada bughja è vi videte affaccà dui fanali, dui fari. Cosa hè?”. “Cumu cosa hè? Hè una vittura...”, li cappiu cuntentu d’avè scioltu a induvinella. Cuntentu, ch’ùn avia da pagà. “Aù, face u gendarme, a risposta hè troppu generale, pudia esse una Laguna, una Cinquecentu è Ottu, una Seicentu o una Jeep... A vi sciaccu, l’emenda, ùn vale a pena”. Ùn mi sò annerbatu. Pacienza. Incù i rapresentanti di a lege ci vole à esse più fini chè elli. “Và bè, li dicu, fatemi una altra induvinella, aiò aiò. Una induvinella sussidiaria, alò”. Quellu hà accettatu, riflette è mi cappia: “Site nantu à una strada bughja, vi videte vene un fanale, un faru. Cosa seria ?”. “È cosa vulete ch’ella sia, incù un fanale solu, una mottò”. Era cuntentu di a mo risposta. L’emenda ùn l’avia da pagà. “Innò, ripiglia u gendarme freddu freddu è cun l’ochju viziosu, troppu generica a risposta, pò esse una mubbiletta, un scooter, una vittura incù un fanale in panna. Basta basta, l’emenda a vi mettu”. Allora mettitela... Era prontu à abbandunà a battaglia, quandu in più bella m’hè venuta una idea. U guardu è li dicu : “postu ch’elle vi piacenu e induvinelle, rispundite à questa quì, pè u fun, tantu l’emenda a pacu: in una strada scantata  è bughja, videte dui fucarelli, cosa hè?”. Orgogliosu, u sottu brigadiere mi guarda ridendu è risponde: “Hè faciule, in issu locu è à ist’ora, sò puttane chì aspettanu ! Ùn pò esse chè quessa...”. “Innò innò, site troppu generale, troppu genericu, l’aghju rispostu seriu seriu, pudianu esse a to mamma, a to moglia, a to figliola, a to surella....”.

M’hè custata cara a induvinella.

 

Masai: E induvinelle