Émissions Toutes les émissions

Masai

Masai: Eva è Adamu, u mail.

Podcasts :

Simu male...

Eva è Adamu, si sò fatti scialbà fora l’Isula d’Eden, da …u Vechju. Vi ricurdate ? S’anu lasciatu u Paradisu Terrestre, per scalà in Cuntinente à creà una sterpa d’umani. Prestu, anu pupulatu e pianure cutrate di maschi è di femine turzotti, braccilonghi è anchicorti, chì currianu cum’è scemi nantu à u permafrost. Eranu cuperti di peli è u culilisci.  Micca parlavanu. Sapianu ghjustu cappià « umbè», « han », « iscia », « mì ».

Adamu è Eva, fidighjavanu u spetaculu di a so sterpa, pensoni. « Umbè, ci anu da vulè quì e centunare di i millioni di l’anni, per fà un impiecatu municipale… »

Ghjera esattamente ciò ch’ellu si dicia ancu ellu, u Vechju,  Dio.. Si grattava u tupezzu, fidighjendu u cuntinente quà ghjò, dumandendusi s’ellu ùn avia fattu una cacata. Piglia è manda un anghjulu à rendesi contu di a situazione. À u vultà, quellu dice à u so patrone :

- Umbè...Simu male. In Cuntinente ci hè novantacinque per centu  di baulli. Di cinque per centu, micca di più, ci poi caccià qualcosa, ma...

  • Cum’aghju da fà incù què a ropa, à creà una umanità chì sia capace d’eleghje un ghjornu à Hollande cum’è Presidente di a Republica, si dicia u Vechju, chì, parlendu incù u Figliolu è u Spiritu Santu, parlava solu.

Piglia è invia un e-mail à i cinque per centu d’umanità in bonu, per dalli curagiu, ch’ellu ùn perdinu a fede in l’avvene, chì s’ellu ùn esagereghjinu incù u cunsumu di i Findus, seranu elli à cumandà u mondu.

- È l’altri, i novantacinque per centu di minenfuttisti, andate puru ch’ùn anu da stà tantu à capì, bruntulava u Patrone azezu.

  • È a sai tù cos’ellu dicia issu mail ? Dumanda Eva à Adamu.. - Innò… - Innò ? Allora simu ind’è a merda ! Manch’eo ùn l’aghju ricevutu…

    Masai: Eva è Adamu, u mail.