Émissions Toutes les émissions

Masai

masai: Fidighjendu u celu 1

Podcasts :

A materia chì forma e pianete nantu à u principiu "d'aglutinazione"

Mir, l’ISS è tutte l’altre.

Bù.

E stazioni, i muduli spaziali abitati è tutta a chincaglieria spaziale chì gira intornu à a terra.

Bù. Tant’ellu ci n’hè...

Interessemucine. 

Chì oghje pudemu principià à parlà d’altri affari chè di pulitica, d’elezzioni.

A dialettica pulitica, troppu troppu mi face cacà. A vi dicu cum’ella hè. À un certu puntu ùn ne possu più sente parlà d’alleanze, di misalleanze, di tradimenti fatti o spiculati, di e virtù d’un tale o di u viziu d’un tale altru. Ci vulerebbi à esse amicu cun l’aversariu puliticu, cusì a pulitica averebbi u so ghjustu valore è a so pusizione vera.

Allora fideghju u celu è m’interessu à Mir, l’ISS, e missioni spaziali abbitate è tutta a chincaglieria spaziale chì gira intornu à a terra.

Bù. Quante....

Quand’omu ci pensa: si manda umani è ropa in u spaziu. L’umani voltanu. Morti o vivi, ma voltanu. A ropa mai.

È gira è gira intornu à a Terra : ferraglia, stuppini, fil di ferri, vechji mutori, scamberoni sbaffati, mappette, vite, bulò è e materie curpurali cappiate da l’omi è e donne chì campanu in e stazioni spaziali.

Quand’eo ùn ne possu più di sente parlà di pulitica, fideghju u celu è m’interessu à a furmazione di e pianete. A sapete cum’elle si formanu e pianete ? Per via di u fenomenu d’agglumerazione di a materia chì voca in u spaziu. Ogni ogettu in u spaziu hà una forza d’attrazzione propia, prupurziunale a a so massa. Si chjama a gravitazione. Issa forza attira l’ogetti più minuti chì anu una forza inferiore è chì li passanu à rente. E duie forze d’attrazzione s’aghjustanu, creandu un mateorite novu è d’una gravitazione superiore. U cunglumeratu cusì furmatu, nantu à u principiu d’aglutinazione, fila a so strada tranquilla intornu à a pianeta o à a stella matre, ingrenda à fior’ d’incontri, a so forza d’attrazzione dinù. È cusì, tempu passendu, a pianeta si forma à parte d’un nocciulu, un qualcusella chì traculinava in u spaziu chì mai averebbe pensatu avè un destinu di pianeta. Una vita, un bulò, un stronzulu.

Dumane vi contu a sevuta.

Masai 02 04 14 fidighjendu u celu 1 - Masai