Émissions Toutes les émissions

Masai: Ghjurnata di e donne

...Di e donne surelle e nostre cumpagne

Hè ghjurnata di a donna dumenica

Appruntemuci

Ghjurnata di e femine chi n’anu  una techja d’esse belle

Ghjurnata di quelle pè e quale a bellezza hè interna è chì si ne devenu cuntentà

Ghjurnata di quelle pè e quale invece a bellezza hè esterna è chì si ne devenu cuntenta ancu di più

Di quelle ch’ùn anu mai vistu u lupu è chì ne dumandanu u ritrattu à u Principellu

Di quelle chì travaglianu à a CAPA è chì sò sepiate

Di e disimpiegate à a « cata » è ch’ùn ponu fà altrimente

Ghjurnata di e donne chì dicenu : « Allo qui c’est ? », quand’elle ti telefuneghjanu

Chì aghjustanu : « il n’y a personne ? »

È à e quale si finisce per dì « ci sò eo… »

Ghjurnata di e donne chì si campanu è di quelle chi si sentenu campà

Di quelle chì sognanu à maritassi incù l’emiru di u cataru perch’elle anu u nasu chì sgotta

Di quelle chi parlanu Francese à i cani

Di e s’amiche chì sò sceme di u «broutch de ghisonatch»

Ghjurnata di e donne chi sò scritte nant’à u situ «candidat-au-plasticage.com»

Di quelle chi anu piantu dopu à a morte di Ugo Chavez

Des femmes bâtonnières et des femmes battues

Di e donne senza velu è di quelle rivelate

Di e stitutrici e di l’estetitrici

Di e pensiunate è di e passiunate

Di e joggeuses è e ghjucose

Di l’ingaggiate è di e sgaggiate

Di e miss è di a cumisse

Di quelle chì rasanu a natura è di quill’altre chì si rasanu a natura

Di quelle chì si n’enfuttenu è di quill’altre chì si ne impippanu

Di e donne cun l’ale è di e terranie

Di e donne surelle e nostre cumpagne

 

 

 

Masai: Ghjurnata di e donne

Partager sur :