Replay du jeudi 1 janvier 1970

Masai: I nostri Fratelli di lotta

Mis à jour le

Viaghju in l'Europa di i populi

image par défaut

Andemucine. Ch’emu da fà ? Tantu emu u murale à tappettu. Aiò, partimu à incuntrà i nostri fratelli di lotta in isse terre allegre è luntane.  

U nostru viaghju principia in Transisinistria, una regione di a Muldavia chì face paura è chì s’ole staccà. Ma i militanti staccaghjoli transisinistri, ùn volenu di noi. Allora filemu. Andemu diritti, versu l’Altu-Karabagh , una spezie di Niolu persu in e muntagne di l’Azerbaidjan. Un ventu…Ùn nasce un filu d’erba… I militanti di l’Altu-Karabagh sò un pocu simili à i Transinistri. Pusati in terra, faccitetri, ingutuppati in e so  mumutegun di plasticu alveolatu, fideghjanu u pass’è veni di e so donne carche di tavule, chì vanu cantendu lamenti da fà vene u piantu à tutt’ognunu chì abbia un minimu di core.

Ci simu detti, parlendu pianu : ma tutte isse tavule, ùn l’averanu da fà male ?

Essentu datu chì l'Abkhazia è l'Ossettia Suttana ùn ci interessanu, emu decisu di vultà in Muldavia. Muldavia nò, Dio ne liberi. A Cagauzia ùn hè a Muldavia. Sè vo dite à un Cagauzu ch’ellu hè Muldavu li venenu subbitu e colliche.

Iè, perchì a Cagauzia s’ole staccà. Da a Muldavia. Attenti, ciò ch’eo vo dicu hè tuttu veru. Verificate puru.

U nome – Cagauzia-  ghjè in lingua Rumena. Ma i militanti, intendenu impone u nome veru in lingua Cagauza antica: Gök-Oğuz Yeri bleu , « u paese di i tori è di u celu bleu ». Mancu i Cagauzi ùn sanu dì bleu in a so lingua. Ghjè un misteru.

Un pocu di geopulitica. Vistu chì i  Rumeni è i Muldavi ùn ne volenu più sente a puzza di a Cagauzia, si pò sperà una suluzione pulitica chì venga prestu à calmà una pupulazione, digià assai calma di natura, rimarcate è chì và carca di tavule cantendu lamenti.

Un ventu… Un nasce un filu d’erba….

Pè a sevuta di u nostru viaghju di studiu, aghju prupostu à i mo cumpagni di lotta di sceglie trà a Sumalia è Garmishpartenkirchen.

Ùn sò stati tantu….

 

 

Masai: I nostri Fratelli di lotta

Mots clés: