Émissions Toutes les émissions

Masai

Masai : L'analisa d'Anna Lisa

Attenti à u facidore d'opinione, quelli ch'ùn ne anu...

Ci femu una analisa. Innò, lasciemu corre à Anna Lisa, parlu d’una analisa è micca Anna Lisa.  

Ùn sò cum’è vo a pensate voi, ma eo dicu una cosa: isse cantunali, l’altru eri dicia ch’elle ùn ghjvavanu à nunda. È bè, mi sbagliava. Ma quì, ci vole ch’eo stia attenti à ciò ch’eo dicu, simu in campagna eletturale è ùn aghju dirittu d’avè a minima influenza nant’à u votu. Puru s’eo mi stongu ch’omu pensi chì issa cronaca vi possa fà mutà u pensamentu. Ùn cessanu di ficcacci in capu chè no simu “facidori d’opinione”, noi chì parlemu à u postu. Vulete ch’eo vi dica una cosa ? À mè mi facenu cacà, l’editurialisti chì spiecanu cum’ellu ci vole à pensà à  lettori, auditori o telespetatori, debbuli di cumpassione, ch’ùn saperianu pensà da per elli. Anna Lisa, cridetemi puru, ùn hà bisognu di nisunu per pensà è ancu menu di mè.

Allora mi sentu libaru di dì chì finalmente, isse cantunale servenu. Puderianu esse u primu passu d’un grande aghjurnamentu puliticu chì maturerà forse à e prussime Territuriali, cù à u centru, i naziunalisti di u PNC, Inseme è Corsica Libera, da una banda, è a perennisazione o micca di u pudere giacubbistu, da l’altra. Ùn videte cum’è u ricumpunimentu si cerca, in l’alleanze chì sò diverse è mutaticcie segondu e regioni di l’isula. L’amichi d’eri sò aversarii oghje è vice versa. Si pò esse uniti in e municipali è cumbattesi in pulitica. Per avà, a forza chì, in l’unione, dumane, purterà a nostra isula versu l’orizonti di l’emancipazione, ùn s’hè ancu à truvà.

Ci vuleria ch’ella ùn stia tantu, vistu e battaglie chì s’annunzianu.

Ghjera l’analisa d’Anna Lisa. Voi pensatela cum’ella vi pare.... 

Masai : L'analisa d'Anna Lisa