Webradio 100% Johnny Hallyday

Écoutez la webradio dédiée à Johnny Hallyday

France Bleu rend hommage à Johnny Hallyday. Découvrez avec notre webradio ses plus grandes chansons, mais aussi des rendez-vous et séries que nous avons consacrés au chanteur.

Émissions Toutes les émissions

Masai

masai: M'aghju da scrive una canzona ancu eo

Podcasts :

U so titulu: mais demain ?..

Aghju da scrive una canzona ancu eo. Scrivenu tutti e canzone è dopu e facenu cantà è dopu si carcanu di solli. Incu una canzona, vi pudete fà una casa. À ogni volta ch’ella hè cantata, in piazza, in radiu o in altrò. Tacchi ! Vi cascanu i biglietti di mille. Gardate à Antone Marielli, di u gruppu Diana di l’Alba. Tutte isse canzone... Avà hè u più grande pruprietariu di u so paese.

Allora m’aghju da scrive una canzona ancu eo. Aghju digià u titulu aghju : “Mais demain”. S’hà  da chjamà “mais demain” . Preferiscu scrivela in Francese perchì tuttu u mondu capisca. Innò, micca e mio duie mani. Mais demain-ma dumane. Ghjè u titulu. U restu ùn l’aghju ancu à truvà. Mi dicerete : perchè « mais». « Mais », ghjè u dupitu di u guerrieru. Ma… ma sai ? D’altri mi facenu : và bè « ma ». Ma perchè « dumane» ? U « ma » vale ancu per oghje !

Aù, avà m’imbrugliate incù e vostre rimarche.

È ma ma ma, è ma ma ma.

“Mais demain”. Ghjè u titulu di a mo canzona, quella chì m’hà da fà riccu quant’è Ghjuvanfrancescu Bernardini. Rimarcate, hè vera chì serebbi più faciule s’omu intende “mes deux mains”, “e mo duie mani”.

« Mes deux mains dessinent dans le soir

La forme d’une poire

Qui ressemble à ton corps… ».

Hà a so piazza ind’è u TOP quattruventucinquanta, issa canzona.

Ghjè un pocu troppu show-biz, hè vera.

Rivenimu à « ma dumane ».

Hè più prufonda a cosa :

“Ma dumane à l’alba, à l’ora quandu a campagna imbianca

Mi n’anderaghju...”.

Iè, ci vole ch’ella sia bella è triste. Ma peccatu. Quessa l’hà digià scritta Victor Hugo

“Ma dumane” hà da esse una canzona trista à more. A bellezza ùn pò esse chè trista. È raporta assai. M’aghju da fà una casa, capite ?

Puderebbi principia cusì:

“Ma dumane

Quand’ellu soffia u ventu cutratu di ferraghju

Dumane, mai ùn lu cunnosceraghju”.

Ma peccatu. Mi piace issa malincunia da lampassi in mare. Peccatu sì, chì quessa l’hà digià scritta  John Lennon.

Mi ferma l’addisperu di l’impussibbilità:

“Mais demain, sè tu capisci u corsu o cara Melusina,

Eo ti tenderaghju a spica

Ma cum’aghj’a fà à coglie a susina

Sè tu mi faci cullà nant’à a fica ?”.

Bona fin’ di settimana à tutti i pueta.