Émissions Toutes les émissions

Masai

Masai: Marlon Brando è eo

Podcasts :

I canoni è i cannoni.

Cum’è ti trovu ?

…. Una belle femina, sì. Abbundante è generosa.

À u diciottesimu seculu tu aurais ete un canon .

Un campi micca au dix huitieme siecle , campi oghje, hè vera.

Chè tu scià. I canoni di a bellezza sò cusì. Sò i grandi sartori parigini o milanesi à fà a moda, à decide di u bellu è di u micca bellu. Quessi volenu e femine schinchi secche è longhe longue.

Toi tu ne corresponds pas

Ùn ti ne fà, tu es un canon , ancu tù. Mais en Arabie Saoudite .

Quallà, ils sont tres dix huitieme siecle .

Per elli, ghjè a polpa chi face a donna.

Ghjè per ciò ch’elli anu vitturone tamante. Per chì e so femine ci possanu entre.

Hè certa chì ind’è a mo Smart ùn ti vecu.

I canoni di a bellezza sò cusì… Mutanu segondu l’epica è u locu.

Sò i cervelloni chì decidenu di ciò chì si deve qualificà di bellu. I cervelloni Occidentali anu decisu chì una donna bella hè una donna magra è alta. Fine fine. I cervelloni d’Arabie Saoudite anu istituitu invece chì una donna bella hè una donna pulputa. Cum’è tè.

Sì cum’è tù sì. O t’accetti tale è quale o ti ne vai en Arabie Saoudite.

Guardami à mè : à i canoni di a bellezza maschile, currispondu, soca ? Iè ne ? Ti ringraziu… ( sentimi à què, in più d’esse grassa ci vede torbiu. Ma per lu mundacciu, ùn ci serà un popò di pezzone di femina chi ci veca torbiu è mi piglie per Marlon Brando ind’è  un Tramway nommé Desir  ? Vi ricurdate a scena di a Mottò ?  Una femina ch’hà tutti i canoni di u cannone, s’avvicina è li face “Hey Johnny, what are you rebeling against?”  è  Johnny, Marlon Brandu, pusatu à l’usu a classa nantu à a so mottò risponde:” What have you got?” ( È cosa mi pruponi? ).

 

Ma innò. Nunda ci pò accade, nè à tè nè à mè, o cara : ùn simu nè in u diciottesimu seculu nè in Arabia, tramway ùn ci n’hè, mottò ùn ne aghju, Marlon Brando ùn sò è tù vai à cumpratti un paghju di spechetti.

In più ci vole ch’eo filghe, ci hè « des chiffres et des lettres » à a televisione.

 

Masai: Marlon Brando è eo