Émissions Toutes les émissions

Masai

Masai: Pipeule è Peul di Bujumburà

Podcasts :

Turismu pipeule à u Tanganikà

 

Benintesu u turisimu c est la vie .

Una mane di felicità tranquilla, pigliate u battellu, ghjunghjite in Livornu. Vi fate à Livornu. Dopu filate à l’inghjò è vi fate à Roma. Roma l’antica. Poi vi fate à Napuli – Pompei, Erculanu. Vi lasciate à Napuli è falate è falate sin’à Tarentu. Magnifica.. ! Vi fate à Tarentu. Grande portu di mare.  È cuntinuate à falà è vi fate… Chì vi vulete più fà ? Ùn ci hè più nunda…. Vi fate u mare. Vi fate i mazzerdi, i pesci cane, e triglie, e potte marine, e ragnole, i vechji pneu . C’est le tourisme. È viaghja è viaghja in fondu di u mare, è surtite da l’altra banda, in Grezia. È custì… vi fate fà.

C’est le tourisme.

À Maddy è Maguy Vasetti, duie Aiaccine allevate in Marseglia, u turismu piace. Per un sì o per un nò, piglianu l’aviò cum’è sceme, entrenu in Campu di l‘Oru, franchendu l’usciu automaticu di e partenze, è avanzanu, maestose, toutes voiles dehors   cum’è dui catamarani, sin’à u bancu d’aregistramentu. 

À a fine di ghjugnu,  sò andate à fassi Bujumburà. Bujumburà, a capitale di u Burundì, in orlu di u lagu Tanganikà. È benintesu si sò fatte Tanganikà, postu ch’elle ci eranu.

Un zinzicu di storia. Perchì u turisimu u turisimu và bè, ma ci vole à prufittanne per amparà qualcusella.

Dicu Bujumburà,  Burundì altre cosi. Cità creata da un missiunariu Tedescu un pocu faticatu, à u dicennovesimu seculu. A pusizione di u missiunariu, era d’evangelizà tutta a ghjura, per forza o per amore. Sò cusì i Tedeschi. Ùn sò in finale di a Cuppa di u Mondu per nunda. Ma l’anu mandatu  à pasci pecura, l’omatali tutti neri chì li giravanu intornu. Un pocu più tardi, dui turisti Inglesi rinumati, Stanley and Livingstone, sò passati à fassi Bujumburà, à listessu locu, da listessa ghjente.  Ma senza riconnoscesi. C’est ca le tourisme.

E surelle Vasetti, elle, chè vo sciate, sin’ora ùn l’avianu chè incù i pipeule. I pipeule di Portivechju, i pipeule di Balagna. In Bujumburà anu cunnisciutu i Peul.

Sò state cuntente di u viaghju. 

Masai: Pipeule è Peul di Bujumburà