Replay du lundi 28 octobre 2013

Masai: A rivista stampa

Mis à jour le

Per purgassi...

image par défaut

Mi n’anu fattu rimproveru… Di u fattu chì eo,  guerrieru Masai, sculisciu troppu spessu nant’à…nant’à quella. Serà colpa mea, s’o campemu in una epica di merda chì ci vulia ghjustu ch’ella casche nantu à mè ? Serà colpa mea, è ghjè u puntu duv’eo vulia ghjunghje, s’ella hè in cabbinettu, a matina, ch’elle si facenu e più belle riviste stampa ? E sentite nant’à e radiu, fatte da culleghi giurnalisti ch’ùn sanu ch’ella hè andandu di corpu, ch’ellu si gode a stampa. Forse perchè chì a lettura aiuta i nostri mecanismi interni à fà e so opere. Micca chì, attenti, ùn ci vole à sbagliassi à giurnale. Ci sò di quelli chì, propiu, aiutanu è d’altri micca.

Mi ne sò avvistu un ghjornu ch’eo mi so messu à leghje Le Monde in issa situazione, ciottu in una zenitutine dolcemente felice. È bè, à a prima righa di a prima pagina, ciak ! S’hè bluccatu tuttu.

Le Monde custipeghja. Mancu una fiura in issu giurnale, tuttu grisgiu. Le Monde si n’enfutte di u piacè di i lettori.  In listessa categuria di a stampa chì face stuppinu, ci hè Valeurs Actuelles. Abbiate sempre un Valeurs Actuelles in cabbinettu, ghjuverà. Valeurs Actuelles o La Tribune de Geneve. Allergandu u discorsu, issi giurnali deliziosi, ponu ancu esse u stimulu di parechje piccule felicità in u cabbinettu di reflessione.

Eo, avvidendumi chì nè Le Mondenè Valeurs Actuelles, ùn m’andavanu, aghju pruvatu La Vie du Rail. Ma u trenu si restava bluccatu in gara.  È un ghjornu, aghju chjappu à Aujourd’hui en France.

Ùn vi contu micca. Ùn vi contu micca perchè ùn vi contu micca. Ma incù Aujourd’hui en France, u mio water closet hè diventatu un water closed.

Per compie, ci vole à tiranne una regula è a regule hè questa quì : più si viota a panza è più s’allarga a parte di cervellu dispunibbile.

Ghjè pusatu in cabinettu, ch’elle si facenu e più belle riviste stampa.

 

Masai 28 10 13 a rivista stampa - masai

Mots clés: