Replay du mercredi 23 octobre 2013

Masai: Sò l'Americani i più forti

Mis à jour le

Una aventura di l'amiragliu John F. Nevermore, di i Stati Uniti di l'America di i Stati Uniti

image par défaut

Ùn ci hè da discute, sò l’Americani i più forti. Sò i vincidori è sò elli chì  facenu a lege è ci imponenu u so modu di campà. I Francesi, oimè. Lasciemu reghje…

Innò, sò l’Americani i più forti, ùn ci hè tantu à sturzunà. Sopratuttu in u mare Mediterraniu. Hè patrona a gluriosa Sesta Flotta di i Stati Uniti, incù i so porta aerei, curazzati, sottumarini è lancia missili. U più terribbile di issi battelli di guerra, ghjè u  Missouri. Gira in u Mare Terraniu, di notte cum’un gattumammone. Face paura. I nimichi si cacanu à dossu.

A settimana passata, micca tantu luntanu da a Corsica, era una notte di timpesta, bughju cecu, eccu chì u marinare di veghja nant’à u Missouri si vede spunta un lume in u bughju, un lume chì li venia dirittu dirittu adossu. Spaventatu, chjama subbiutu l'amiragliu John F. Nevermore, chì durmia. L'amiragliu spunta in camisgia di notte nantu à u ponte è inguanta u megafunu: - Quì ghjè l'amiragliu John F. Nevermore di u lancia missili Missouri... Trincate subbitu chì venite diritti diritti nant’à noi...! I repeate, cambiate strada. 

È in a notte pagna, sottà quellu lume chì s’avvicinava pianu pianu, si sente un altru megafunu che face : - Eo ùn cambiu nunda, ùn cambiu !... - Quì chì parla, ghjè l'amiragliu di u Missouri di i Stati Uniti di l’America. Simu armati cum’è scemi. U mo battellu hè techju di missili à testa nucleare aria-aria, mare-aria, mare-terra, terra-terra, mare-mare, colla-colla, fala-fala, milla-milla... Sè no inticciemu schiatta tuttu è nasce una bella frittata… cambiate subbitu di strada o vi distrughjimu cusì amparerete ciò ch’ellu hè capace di fà u Missouri di i Stati Uniti di l’America.

  • O maè, ti puzza micca a salute ? eo ùn cambiu nunda, ùn cambiu… - Attenti, Ultimu avertimentu : trincate  o nascenu i pisticciuli. Quì ghjè l'amiragliu John F. Nevermore.

  • A iè ne ? È eo sò Jojo u guardianu d’u fanale d’à Giraglia.

Sò l’americani i più forti.

 

 

Masai 24 10 13 sò l'Americani i più forti - Masai

Mots clés: