Webradio 100% Johnny Hallyday

Écoutez la webradio dédiée à Johnny Hallyday

France Bleu rend hommage à Johnny Hallyday. Découvrez avec notre webradio ses plus grandes chansons, mais aussi des rendez-vous et séries que nous avons consacrés au chanteur.

Émissions Toutes les émissions

Masai

Masai: U malatu imaginariu

Podcasts :

Un vennari malatu quandu l'ispirazione hè magra...

Hà a paura. Allora hà  fattu u scanner. Ma hà a paura listessu è hà fattu l’IRM. Nunda à fà, dura a paura.  Hà fattu a culuscupia. A paura li ferma tale è quale. È poi, s’hè minatu di mani in fronte :  « voli vede chì mi sò scurdatu di fà l’analisa di u sangue ! ». Hà fattu l’analisa di u sangue. Ma a certezza d’esse malatu, li ferma in capu. A sà ch’ellu hè malatu, ma d’una malatia di lussu, grave di sicuru, è orfagna. Hè u solu in u mondu sanu à essene culpitu. Ghjè per ciò chì i medichi ùn trovanu. Ghjè un persunagiu impurtante per via di a so malatia nobbile. Ci vole ch’ognunu a sappia.

Allora hà fattu una analisa d’urina, una curunugrafia, una angiugrafia linfatica, una biochimica di u liquidu seminale, una calciuria di e vintiquattru ore, una c apillaruscupia péri-ungueale,  un cariutippu, un echo-doppler vesico-rinale, una fibruscupia broncica, una fibruscupia gastrica. È tira avanti.  Quand’ellu hà finitu a lista di tutte l’analisi pussibbili, frazatu a pacienza di u corpu medicale è paramedicale, viutatu a cascia di a securità suciale, s’hè trovu in un viotu esistenziale chì l’hà lasciatu psiculugicamente in tong. Psiculugicamente in tong perch’ellu s’hè avvistu chì in fatti a ghjente si ne impippa di a so malatia tantu rara è ch’ùn hè preziosa chè per ellu. Si face ancu macagnà in caffè : « allora o Ghjisè, chì malatia ai oghje ? ».

À mè, a mo malatia oghje, ghjè a manchenza d’ispirazione. Accunsentitemi d’ùn avè altru nunda à dì, chè issa reinterpretazione di U Malatu Imaginariu di Moliere.

Quand’eo era zitellu avia un amicu chì, per fà annerbà u so babbu, li dicia, fendu di a manu u gestu di tagliassi e braccie, l’anche è u collu : « mi tagliu quì, mi tagliu quì, mi tagliu quì, cascu in terra è po sò mortu… ».

Masai 11 10 13 U Malatu Imaginariu - Masai