Vicente et son père.

L'alerte enlèvement déclenchée pour retrouver Vicente, 5 ans et demi, enlevé à Clermont-Ferrand par son père

Émissions Toutes les émissions

Masai

Masai : U tangò

I primi balladori di tangò...

Melodrama. Hè nata issa parulla in u Paradisu Terrestre, l’isula d’Eden, quandu Eva è Adamu si misenu in l’imbrogli manghjendu u fruttu pruibbitu, a mela.  Dunque, « melodrama ».

I nostri dui culombi, anu scupertu u melodrama in l’Isula d’Eden. Ma ùn lu sapianu micca esprime. Nè u melodrama, nè a gioia, nè nisun’ altra cosa chì s’assumigli à un sintimu. È quandu u Vechju l’hà zirbati fora da issu Paradisu Terrestre, per mandalli in Cuntinente, duv’ella curria a vita vera, eranu sticchiti sticchiti. Avianu solu gesti utili. Gesti senza a minima simbolica : piglià, dà, mette, strappà, ficcà, sgradicà, corre, piantassi, saltà un sepalaghju, arrivassi nant’à un querciu per sbrancà un nidu. Ma i muvimenti di u corpu chì, traducendu un statu mentale, intendenu fà sapè à l’altri l’addisperu, a letizia, l’amore, a malincunia, a zerga, quessi ùn li sapianu. Incù e ghjambe, e braccie è u corpu sanu,  ùn facianu – è dunque ùn dicianu- chè cosi cuncrete.

E poi, un ghjornu…

Musica….

Cuntrariamente à ciò chè vo puderiate pensà, fù Adamu u primu à ballà. Una mane à l’alzassi di u sole, Eva si discitava. Apria l’ochji, facia tutti issi picculi gesti di u svegliassi in l’albori felici, quand’omu sà chì, puru fora da u Paradisu Terrestre, tuttu hà da andà bè listessu, perch’ella corre per aria ùn qualcusella d’indicibbile incù e parulle. Allora Adamu, fidighjendula, senza spiecassi nè u cumu nè u perchè, hà fattu dui passucci à diritta, un passettu à manca, in ritimu, girendu nant’à ellu stessu. Eva, saltendu nant’à i so pedi l’hà sevutatu, aghjustendu muvimenti graziosi di e braccie è di e mani ch’Adamu hà imitatu.

Fù cusì chì, Eva è Adamu sò diventati, i primi balladori di tangò.

Musica…

 

 

Masai u Tangò