Émissions Toutes les émissions

Masai

Masai: Viaghju prufesiunale in Vienna

Podcasts :

Vienneserie

I viaghji di u Masai.

Cun Petruluigi Alessandri simu andati in Austria, cù a scusa d’un intervista à fà  in u caffè Sacher. U caffè Sacher, nantu à a Ringstrass di Vienna. U direttore di a radiu ci hà cridutu. Per ghjustificà issu viaghju prufesiunale, simu stati obligati di tastà a famosa pastizzeria : u dolce Sacher. Cicculata cicculata, cun un suppulu di baracucca in un decoru lussuosu di legni, ori è vechje muzze chì si techjanu in silenziu, impiastrendusi cun classa i bavacciuli.

Dopu per digerì, ci simu spassighjati cun Desproges.

L’Austriachi si facenu chjamà cusì per fà crede ch’elli ùn sò Alemani. Ci hè da ride. In fatti aspettanu cum’è scemi d’esse invasi da l’Alemagna in a prussima guerra mundiale ch’ùn averia da stà tantu à scuppà in Ucraina sì u tempu si presta è a bipularità di Putin impeghjurisce. E femine elle, u corpu pienu di  Kirschenstrude (ghjè un dolce viennese) ùn sognanu chè d’esse invase da Georges Clooney, allora chì in quant’à mè ùn hè mancu u so veru nome.

Vienna, l’ete capita, ghjè a capitale, scaduta è caduta (un pocu cum’è e tette di Jeannne Moreau), di issu paese canditu cum’una viennoiseria guasta. E Viennesi, l’emu viste cun Petruluigi Alessandri, infurnimentate di cullane, pendini, anelli, e Viennesi, cicciose e sguttenti di struttu, chì  s’imbotranu d’altre materie grasse chè quelle chì li pesanu digià,  in i saloni di tè ottucenteschi, duv’elle calanu ansimendu cum’è maiale i so culi spaventosi chì s’infittanu ciambuttandu è trimulendu cum’è brocciu oscene, in i coghji lustrati di e panchine imperiali.

Autriachi celebri ci n’hè parechji. U più cunnisciutu ghjè Sigmund Freud. Senza ellu, l’omu ùn saperebbi micca ch’ellu ùn pensa chè à una cosa, cogliesi à a so mamma. È serebbi a fine di u mondu.

 

 

 

Masai 16 02 15 Viaghju prufesiunale in Vienna - Masai