Vicente et son père.

L'alerte enlèvement déclenchée pour retrouver Vicente, 5 ans et demi, enlevé à Clermont-Ferrand par son père

Émissions Toutes les émissions

Mediterradio

Masai: Eviva a radiu

Podcasts : RSS

Femu festa à a radiu

Aghju principiatu prestu à accende a radiu, cum’ellu s’apre un finestrinu nantu à u mondu di l’altri. Da zitellu, per mè u mondu di l’altri, era tuttu ciò ch’ hè fora di u circondu di Ficaghja, in Castagniccia, induve a vita mi rendia felice.

In issu locu isulatu, u solu canale chì riescia à francà i monti, era Radio Monte Carlu. « U mondu di l’altri », era dunque quellu chì si rivucava da u postu è m’affascinava cum’ellu a pò fà un paradisu impussibbile tantu ellu hè luntanu è diversu.

Ciò chì mi piacia era a publicità. U più quella cantata per vende i centumila prudutti chì spampillulavanu in issu Monte Carlu di principi chì spampillulava. Un mondu di sapunette chì imbelliscenu i goffi, di sciampoing chì facenu i capelli di fata, d’aperitivi chì ti portanu in un paradisu duv’elli cantanu i grilli, di mustarda chì rende intelligente è di pasta chì ghjè un « ben’ di Dio ». Issu mondu ùn lu cunnisciamu, noi chì, in l’Alta Castagniccia, ci lavavamu ind’è e liscivose in cucina, tutti i vennari.

À mè mi piacia :

-        « Dop Dop Dop, Dop Dop Dop, adoptez le champoing dop…. ».

-        « Avec Martini, Martini, Martini, le monde entier chante et souris… ».

-        « Cadum Cadum Cadum, lanoliné. Peau douce comme une peau de bébé… »

Ghjè per quessa ch’ascultava a radiu, per sunnià à issu mondu duve ancu e vechje coghje anu una pelle di criatura. Un mondu à l’antipoti di u nostru è duve e cosi andavanu linde Perchè :

« Dragées Fuca, adieu regime et adieu….constipation… ».

Eviva a radiu !

Masai 10 02 14 Eviva a radiu - Masai