Replay du samedi 23 janvier 2021

Navighendu annantu à u web : I latri, ci hè Lupin è ci sò l'altri...

Navighendu annantu à u web, Netflix hà annunciatu chì da quì à u 5 di farraghju, a seria francesa Lupin cù Omar Sy avaria da francà i 70 milioni di visti ! Com’è Arsène Lupin, Assane Diop hè un latru ch’ùn hè manc’appena com’è l’altri ! Forti po hè… ciò ch’ùn hè micca u casu di certi...

Arrubbecciu
Arrubbecciu © Getty - picture alliance

I latri, ùn ani micca tuttu u listessu talentu. A saparani sti pulizzieri inglesi ch’ani arristatu dui omi in pienu arrubbecciu. Pà truvalli, ùn avarani tantu straziatu posta chì unu di i dui malfattori hà cumpostu senza vulella u numaru di a pulizza pusendu annantu à u so teleffuninu. Quissa, ci vulia à falla ! 

Mi faci pinsà à i trè ambraschi ch’aviani arrubbatu 40 auri ind’è un vignaghjolu di Gironde è ch’aviani fattu cascà una di i so attestazioni di spiazzamentu cù u nomu, a casata è l’adrizzu ! Oimella ! Avà, ci n’andaremu à i Stati Uniti da cuntavvi una passata ch’ùn si vedi mancu in li filmi ! 

Calchì ghjornu fà, in la cità di Beaverton, un omu, videndu una vittura biota è aparta cù a chjavi annantu à u cuntattu, s’hè missu à a piazza di u cunduttori è po si n’hè andatu. Ma fendu à a lestra, ùn avia micca vistu chì in la vittura, daretu à ellu, c’era un zitillucciu di 4 anni ! 

Tandu, hè rivinutu induv’ellu avia trovu a vittura è po hà briunatu a mamma chì s’era cansata davanti à un magazenu u tempu di fà i so cumissiò dicenduli ch’ellu ùn si lacava micca i figlioli soli in vittura !  È quandu a donna hà ripigliatu u so mascettu, u latru chì l’avia fattu a so lizziò di murali, scappò solu solu cù a so vittura ! Parini foli !

Mots clés: