Replay du samedi 27 mars 2021

Navighendu annantu à u web : Mi chjamu Suscì

- Mis à jour le

Navighendu annantu à u web, trè mesi fà, vi cuntavu a storia d’un ghjovanu inglesu ch’avia dicisu di cambià di nomu pà chjamassi Céline Dion. S’era fattu abbastanza in furia l’affari ma oghji, emu da veda ch’in certi lochi, hè ancu più faciuli…

Unipochi di suscì...
Unipochi di suscì... © Getty - sittig fahr-becker / EyeEm

U suscì in la menti di tutti hè unu di i simbuli più famosi di u Giapponu è di a so cucina. Risturanti chì facini i suscì ci n’hè in ogni locu, ch’elli siani indipindenti o fendu parti d’una catena com’è Akindo Sushiro assai prisenti in parechji paesi asiatichi. 

In Taiwan, duranti dui ghjorni, a marca ci l’hà fatta à metta u rimusciu in li sirvizii di u statu civili par via d’una prumuzioni bella spiciali : tutti quilli chì si chjamavani « Guiyu », veni à dì  « Salmoni » t’aviani u drittu di tichjassi à suscì senza limiti è senza pagà, elli è po cinqui invitati ! Pà prufittanni, bastava à mustrà a so carta d’identità cù u nomu di u pesciu.

Hè cusì chì più di 150 parsoni ani cambiatu di nomu pà chjamassi Guiyu (è micca Guy Roux). Ci vò à dì chì in Taiwan, hè una dimarchja ch’omu pò fà trè volti in la so vita è ch’ùn costa cà 2€. 

Di pettu à tanti furmalità amministrativi, u ministeru di l’internu è i funziunarii di u statu civili ch’ani trattatu sti cartulari erani addispirati è si pò capiscia… Ciò ch’elli ùn fariani micca certi pà un suscì ! 

Mots clés: