Retour
Provence-Alpes-Côte d'Azur Corse Auvergne-Rhône-Alpes Grand Est Bourgogne-Franche-Comté Occitanie Nouvelle-Aquitaine Centre-Val de Loire Île-de-France Hauts-de-France Normandie Pays de la Loire Bretagne
  • Toute la France
  • Auvergne-Rhône-Alpes
  • Bourgogne Franche-Comté
  • Bretagne
  • Centre-Val de Loire
  • Corse
  • Grand Est
  • Hauts-de-France
  • Île-de-France
  • Normandie
  • Nouvelle-Aquitaine
  • Occitanie
  • Pays de la Loire
  • Provence-Alpes-Côte d'Azur
Changer de région
Centre-Val de Loire
Changer de région
Corse
Changer de région
Hauts-de-France
Changer de région
Normandie
Retour
Dossier : France Bleu Breizh Izel en langue bretonne

E brezhoneg - Tro Breizh war varc'h houarn da zizoleiñ disoc'hoù enep d'al lastez

-
Par , France Bleu Breizh Izel

Loc'het eo Claire Cariou eus Ploeneg, e bro ar C'hab, disadorn tremenet. E-pad daou viz hanter e foeto bro da zizoleiñ disoc'hoù embregerezhioù, kevredigezhioù ha skolioù da nebeutaat o lastez.

Chomet eo a-sav Claire e Douarnenez da atersiñ Clémentine, he deus savet ur "food-truck" hep lastez.
Chomet eo a-sav Claire e Douarnenez da atersiñ Clémentine, he deus savet ur "food-truck" hep lastez. © Radio France - Ninnog Louis

Disadorn tremenet eo kroget Claire Cariou gant he zro Breizh an disoc'hoù enep d'al lastez. Loc'het eo eus Ploeneg, e Penn ar Bed, d'ober un droiad a bado daou viz hanter. Pal ar veaj : dizoleiñ an disoc'hoù bet kavet gant embregerezhioù, kevredigezhioù pe strollegezhioù lec'hel da zigreskiñ al lastez produet ganto. 

E penn ur gevredigezh hag un embregerezh, anvet "Côte Waste" o div emañ Claire. A-hed he beaj he deus kejet dija gant ul labourer-douar e Gwengad a ra gant produoù lec'hel, hag ur geginerez e Douarnenez he deus savet ur "food-truck" gant nebeut a lastez. E Lokorn e weladenno an embregerezh Cadiou, a sav porastelloù. "Graet 'vez strivoù eno evit digreskiñ al lastez, emaint o vont da zisplegañ din penaos 'vez graet ganto."

Ur levr e fin ar veaj

A-raok krog gant he zro he deus graet ur galv war ar rouedadoù sokial, da gavout embregerezhioù, kevredigezhioù pe emsavadurioù publik o deus kavet disoc'hoù da vihanaat an niver a lastez produet ganto. Ouzhpenn daou c'hant anezho o deus respontet dija, pezh a ziskouez eo deuet ar gudenn da vezañ pouezus evit ur bern tud, a soñj dezhi. "An dud en em rent kont omp aet re bell. Produiñ nebeutoc'h a lastez, tamm ha tamm, se 'zo un dra modern, se 'zo an dazont." 

Ha spletus eo evit an embregerezhioù : "gant Cadiou eo bet espernet ur bern arc'hant en ur broduiñ nebeutoc'h a lastez. N'o deus ket ezhomm ober war-dro ken !"

Selaouit ouzh Claire Cariou o tisplegañ pal he raktres

A-hed he beaj e posto Claire keleier war pajennoù Facebook hag Instagram Côte Waste, ha war lec'hienn an embregerezh. Goude e skrivo ul levr, a renablo an holl zisoc'hoù he do gwelet war he hent. "Ar pal eo diskouez eo posubl, reiñ skouerioù fetis evit ma vefe klasket gant tud all". Tu 'zo heuliañ Claire war-eeun war he lec'hienn, ha mont da veloiat ganti ma tremen tost d'ho ti. 

Choix de la station

À venir dansDanssecondess