24h oren Iparraldean: enpresa buruen arrangurak eta azterketak atxeman ezinak

Iparraldeko enpresa ttipi eta ertainetatik %73 hetsi dira eta %91entzat osasun krisak eragina badu. Komerzio Ganbarak irrisku psikosozialak ere aipatzen ditu enpresa buruentzat. 

ⓘ Publicité

Hondartzak berriz ideki nahi dituzte

Ekonomia berriz abiarazteko tokiko hautetsiek galdegiten dute begiratzea zoin baldintzetan berriz ideki hondartzak eta gune turistikoak. Proposamenak egiteko, batzorde berezi bat bilduko da suprefeturaren zaintza pean.  Jende gero eta guttiago bada ospitaletan, 76 departamenduan koronabirusarekin lotua, hauetarik 12 erreanimazioan. Bainan nola jakin norbait hunkitua izan den ala ez. Mirikuek ere aitortzen dute ez dutela sekulan ikusi norbait testatua izan dena... galdera guziak ezeztatuak baitira. Eri baten lekukotasuna entzungai: 

Jean Lougarot, Mauleko auzapez ohia hil da 87 urtetan. 1977 eta 2001 artean, Xiberoko hiri nagusiko auzapez izan da hautatua izan da ere departamenduko kontseiluan. Partido Sozialisteko figura bat zen Iparraldean. 

Osasun arloko elkartasun mugimendua gero eta zabalagoa da. Miarritzeko BOPB jokalariek, eta Eric Irastorza puntistak, laguntza moltsa bat ideki dute haien alde. "Sokorritzaileak" elkarteak ere elkartasunezko lasterka bat abiatu du. Kirolan, zigor gutti BOPB Miarritzeko taldeanrentzat Pro D2n. Behar ziren frantses jokalari gazte kopurura ez zen iritsi, bainan nolaz sasoina ez den bukatu pundurik ez diete kenduko sailkapenean.