EN BRETON | Lagad ar web
Chaque soir, zoom sur le meilleur du web en langue bretonne. On parle tourisme et vie 100% en breton ce mercredi.
Petra eo Kêrvrezhon ?
A-drugarez da Vrezhoweb ez omp da wel' pe mod 'vez bevet e Kervrezhon. Ul lec'h pa n'eus ken brezhoneg noz ha deiz. E Kerrien eo bodet div familh, gant ar pal na vije ger galleg ebet war-dro.
Kervrezhon, Bevañ e brezhoneg noz ha deiz - 4 munud e Breizh. Ur reportaj da wel' war Brezhoweb.
Klasket 'zo tud evit ur reportaj foto
Ya ha n'eo ket gant forzh piv... Gant ofis touristelezh Kerne uhel.
'benn brudañ an tiriad eo gavet neb a gar da c'hoari an douristed en daou lec'h kaer : Domani Trevarez ha kanol Naoned da Vrest.
Dav 'vo bezañ dieub un devezh-pad, da vont da wel' ar c'hastell ruz diouzh ar mintin ha da vont war bord ar c'hanol diouzh an abardaez.
A-bep-seurt tud a zo gortozet, bras ha bihan, o pourmen war velo, o redek, e-bourzh ur c'hanoe.
Ar reportaj a vo lusket d'ur merc'her pe d'ur sadorn, etre disadorn kentañ hag an 11 a viz Gouere. N'eo ket diazezet un deiziad c'hoazh.
Ma fell deoc'h neuze c'hoari an douristed e Kerne uhel, kit 'ta e darempred ganto.