Retour
Provence-Alpes-Côte d'Azur Corse Auvergne-Rhône-Alpes Grand Est Bourgogne-Franche-Comté Occitanie Nouvelle-Aquitaine Centre-Val de Loire Île-de-France Hauts-de-France Normandie Pays de la Loire Bretagne
  • Toute la France
  • Auvergne-Rhône-Alpes
  • Bourgogne Franche-Comté
  • Bretagne
  • Centre-Val de Loire
  • Corse
  • Grand Est
  • Hauts-de-France
  • Île-de-France
  • Normandie
  • Nouvelle-Aquitaine
  • Occitanie
  • Pays de la Loire
  • Provence-Alpes-Côte d'Azur
Changer de région
Centre-Val de Loire
Changer de région
Corse
Changer de région
Hauts-de-France
Changer de région
Normandie
Retour

Fiscalità senza limiti... di Ghjacumu Fusina

-
Par , France Bleu RCFM

Uni pochi di rispunsevuli di e finanze di i Stati più impurtanti anu francatu un bellu passu à una adunita tenutasi à principiu di stu mese.

.
. © Getty - .

Vulerianu stabbilisce un impositu minimu nant’à i benefizi di l’imprese multinaziunali grosse cù u scopu di fà piantà daveru una fiscalità sempre più bassa favurizata da a so finta sede in certi lochi cunsiderati « paradisi fiscali ».

Un entreremu micca quì in e minuzie scelte da issi ministri riprisententi mericani, canadiani, giappunesi, inglesi è dinù aurupei (alemani, francesi è taliani) ma pensanu elli di pudè impone l’imprese maiò induv’elle incascianu propiu i so benefizi è micca in i finti lochi di l’ottimisazione fiscale : si pò digià riceve a nutizia cù una certa suddisfazione.

Ferma di sicuru à mettesi d’accunsentu nant’à u percentuale di a nova tassa, à fallu accettà da tutti i paesi interessati è à sfinisce dinù e centinaie d’imprese chì sarianu cuncernate da a misura, non solu i giganti cunnisciuti di l’industria numerica ma dinù certe imprese più lucali. A furzà dinù certi guverni, ancu pochi, chì vulerianu chjode l’ochji nant’à certe manere di fà in casa soia.

Dunque, si capisce ch’ellu ci vole à francà passi torna versu un funziunamentu più onestu è veru d’una fiscalità internaziunale pocu ghjusta : ma l’idea hè per aria, è hè nata cum’è una mossa chì porta digià l’accunsentu di i populi infurmati d’issa riforma generale. Videremu ciò chì venerà dopu, sperendu quantunque d’ùn esse micca troppu dillusi…

Ghjacumu Fusina

Choix de la station

À venir dansDanssecondess